BUTUAN CITY – Dili halos makatoo ang ginikanan ni Andy Llanita Macasaet human kini mipasar ug nag-Top 1 pa sa August 2021 Mining Engineer examination nga gihimo niadtong Agusto 9.
Sa eksklusibong pakighinabi sa Bombo Radyo Butuan, gibutyag ni Andy nga bisan siya, dili usab makatoo nga siya ang nanguna sa Top 10 ug pasok usab ang tulo pa niya ka mga classmates nga gilangkuban nila Manuel Guma Sarong Jr., kinsa anaa sa ika-unom samtang ikasiyam si Kent Forcadilla Pantolla ug ikanapulo si Harvy Jason Sutana Contretras.
Gibutyag niining tungod sa pandemya, upat ka bulan siyang nag-review ug mapasalamaton siya og dako sa Kahitas-an tungod kay gitubag ang iyang mga pag-ampo ilabina nga gawas sa kapin 60 ka mga examinees gikan sa Caraga State of University main campus sa Butuan, City ubay-ubay sila nga mipasar.
Tungod niini dakong kada-ugan sila karun sa maong eskwelahan lakip na ang iyang mga kaubanan.
