BUTUAN CITY – Nagpakita’g gilas gayud ang Team England sa usa ka high-scoring thriller human nila gipildi ang powerhouse Croatia, sa score nga 4-2, sa ilang dula sa Dallas, Texas.
Sa unang half, lig-on ang depensa sa duha ka koponan ug pag-abot sa ika-12 minuto, nasalbar sa goalkeeper sa Croatia ang unang tira ni Harry Kane, apan gimando sa Video Assistant Referee (VAR) nga i-retake tungod kay nisulong og sayo ang keeper.
Nakapuntos si Kane sa ika-42 minuto gikan sa corner kick ni Declan Rice, ug gisundan sa usa ka goal ni Jude Bellingham. Pag-abli sa second half sa ika-47 minuto, dali nga nakadugang si Bellingham og laing goal. Bisan pa sa duha ka magkasunod nga puntos sa Croatia sa dili pa ang halftime whistle, nagpabilin nga dominante ang England sa ikaduhang yugto. Sa ika-85 minuto, giselyo ni Marcus Rashford ang panalo pinaagi sa assist ni Bukayo Saka.
Sa pikas bahin, bisan pildi, nagpabilin nga lig-on ang performance sa Croatia pinaagi sa mga puntos ni Martin Baturina ug Petar Musa.
