BUTUAN CITY – Naglusad ang Bangladesh ug emergency vaccination tungod sa paspas nga pagkaylap sa tigdas (measles) nga gitu-uhang maoy hinungdan sa pagkamatay sa kapin 100 ka tawo, kadaghanan mga bata, sa usa ka outbreak nga makonsiderang deadliest sa bag-ong kasaysayan sa maong nasud.
Sumala sa datos sa Ministry of Health, ang kampanya, nga nagsugod niadtong Domingo, nahitabo taliwala sa kapin sa 7,500 ka gituohang kaso sa tigdas sukad Marso 15.
Kapin sa 900 niini ang nakumpirma na — usa ka dako nga pagsaka kumpara sa 2025, diin 125 lamang ka kaso sa tipdas ang natala sa tibuok tuig.
Bisan pa dugay nang nagbakuna ang Bangladesh sa mga bata batok niini nga sakit nga dali kaayong mutakod, ang bag-ong outbreak nagpakita sa mga kakulangon sa ilang programa, nga nakahatag og kabalaka.
Sigon ni Rana Flowers, representante sa UNICEF sa Bangladesh, ang bakuna maoy pundasyon sa kaluwasan sa mga bata ug ang kasamtangang outbreak sa nagbutang sa peligro sa liboang mga bata, ilabina ang pinakabata ug pinakahuyang.
