BUTUAN CITY – Pagpangilkil ang nakitang motibo sa kapulisan sa San Luis, Agusan del Sur human gisunog sa gidudahang mga rebeldeng New People’s Army kon NPA ang usa ka elf nga maoy gigamit sa pagkarga sa anihong mga kalamansi.
Sa eksklusibong pakighinabi ning sibyahan, gibutyag ni Major Rodolfo Cordero Jr., Civil Military Operations kon CMO officer sa 401st Brigade, Philippine Army, gipanag-iyahan ang maong sakyanan sa negosyanteng si Charity Pearl ning siyudad sa Butuan nga gigamit sa iyang calamansi farm.
Gitu-uhang ang Front Committee 88 ubos sa North Central Mindanao Regional Command sa NPA ang responsable sa maong insidente nga natigayon pasado alas-singko kagahapon sa hapon sa may Brgy. Balit.
Timaan lang matud pa kini nga nagkalisod na sa kakuhaan sa ilang mga food, medical, og water supplies ang mga rebelde rason sa pagpalapad pa nila sa ilang mga extortion activities. (Beth Ruiz)
