-- ADVERTISEMENT --
BUTUAN CITY- Nagmalampuson si Pinoy Pole Vaulter Earnest John “EJ” Obiena human makab-ot ang bulawang medalya sa Halberstadter Hohenflug – 1st International Pole Vault Meeting sa Cathedral Square, Halberstadt, Germany niadtong Hulyo 31, 2026.
Nalabwan niini ang taas nga 5.76 metro sa unang pagsulay ug nag-una sa 10-man field.
Nakab-ot ni Seifeldin Abdelsalam sa Qatar ang silver sa 5.66 metro, samtang si Cole Walsh nsa g Estados Unidos nakakuha og bronze sa 5.56 metro.
Kini ang ika-tulo nga bulawang medalya ni Obiena karung outdoor season, dungan sa iyang kadaogan sa Austria ug Poland.
Ang maong kalampusan nagpalig-on pag-usab alang sa reputasyon niini isip usa sa pinakamaayo nga pole vaulter sa kalibotan.
-- ADVERTISEMENT --
