BUTUAN CITY – Gipalig-on na ni Pangulong Ferdinand ‘Bongbong’ Marcos Jr. ang Tatak Pinoy Act ug ang Expanded Centenarian Act nga nagtumong paghatag og dugang benepisyo sa mga senior citizens.
Apil sa gipirmahan sa pangulo ang Republic Act 11982 nga maghatag og benepisyo ngadto sa mga Pinoy nga nag-edad og 80-anyos ug 90-anyos.
Sigon ni Presidential Communications Office Sec. Cheloy Garafil, tumong niini nga ipabati ngadto sa mga senior citizens ang suporta sa gobyerno kanila pinaagi sa paghatag og tabang-pinansyal nga 10-mil pisos samtang sila buhi pa sa edad nga 80, 85, 90 ug 95-anyos ug subling makadawat matag-lima ka tuig.
Sigon ni Pangulong Bongbong Marcos, tumong niini nga ma-promote ang development sa mga senior citizens ug maprotektahan ang ilang katungod.
