BUTUAN CITY – Naglusad og rescue operation ang Quezon Provincial Disaster Risk Reduction and Management Office tungod sa grabeng pagbaha nga hatud sa pagkuso-kuso sa bagyong Aghon sa Lucena City sa Quezon.
Gilusad ang rescue operation kagahapon, ka-uban ang City Disaster Risk Reduction and Management Office- Lucena City ug ang Philippine Air Force (PAF).
Nag-atang usab ang uban pang kagamhanang panlalawigan ug ang mga organisasyon aron mutabang sa mga apektadong residente. Temporaryong gihimong evacuation center ang Quezon Convention Center alang sa mga pamilyang mihikling gikan sa Brgy. Cotta ug Brgy 10 sa Lucena City.
Nangandam na usab ang Provincial Social Welfare and Development Office Quezon alang sa pagde-deploy sa mga relief supplies alang sa mga pamilya ug indibidwal nga anaa sa mga evacuation centers.
Aktibo usab nga nakatutok si Governor Doktora Helen Tan ug ang Disaster Risk Reduction and Management Office aron ma-monitor ang kahimtang sa maong lalawigan ug aron makaresponde gilayon sa ilang mga panginahanglan.
