BUTUAN CITY- Gitukod sa Department of Health kon DOH ang usa ka Council of Experts nga gilangkuban sa mga kanhi Health Secretaries aron motabang sa pagpalig-on sa implementasyon sa Universal Health Care kon UHC Act ug masiguro nga mas daghang Pilipino ang makabenepisyo sa mga serbisyo sa panglawas.
Sumala ni DOH Secretary Jose Pujalte, ang konseho maghatag og mga rekomendasyong pinasikad sa kasinatian ug kahibalo sa mga kanhing lider sa DOH aron masulbad ang dugay nang mga hagit sa sektor sa panglawas, mapauswag ang mga prayoridad sa reporma, ug ipaduol ang dekalidad nga serbisyo medikal ngadto sa mga panimalay ug komunidad.
Kabahin sa konseho sila Esperanza Cabral, Manuel Dayrit, Jaime Galvez Tan, Janette Garin, ug Carmencita Noriega-Reodica, kansa magsilbing mga tigtambag aron masuportahan ang mga programa sa administrasyon ni President Ferdinand Marcos Jr. alang sa mas epektibong sistema sa panglawas sa nasud.
