BUTUAN CITY- Gibutyag sa Department of Health kon DOH-Caraga nga dili bakuna ang bugtong hinungdan kung nganung adunay mga kaso sa mga namatay human mabakunahan.
Kini ang giklaro sa maong buhatan human sa nahitabo sa Region 10 kondiin dunay upat ka mga myembro sa usa ka pamilya sa may Laguindingan, Misamis Oriental ang namatay human mabakunahan.
Sigon sa DOH-Caraga, mahimo gihapong mataptan og COVID-19 ang usa ka nabakunahan na stungod kay ang mga bakuna dili pangpatay sa coronavirus sulod sa lawas sa tawo kundili pangpa-boost lang sa immune system sa ingun daling makabatukan ang mutapot nga virus.
Tungod niini, hugot nga gipahimangnuan ang tanang Caraganons nga batasanon ang perming pagsunod sa health protocols ug ang kampanya sa DOH nga BIDA Solusyon o ang Bawal ang walay mask, I-sanitize ang mga kamot, Distansya sulod sa usa ka metro ug Aksyon base sa insaktong impormasyon arun dili magtinakdanay.
Kini nga paagi aron makunhuran ang kaso nga adlaw-adlaw nga matala sulod ning rehiyon.
