BUTUAN CITY – Gikumpirma ni Ritchel Butao, Regional Director sa Department of Migrant Workers kon DMW-Caraga nga niadto pang Domingo gisugdan na nila pag-abli ang ilang opisina alang niadtong mga pamilya nga dunay ilang miyembro nga Overseas Filipino Workers kon OFW sa middle east nga nag-atubang karun og kagubot.
Sumala pa sa opisyal nga dunay gimugna silang quick response team nga maoy moatiman sa nasangpit nga pamilya personal man o kaha motawag lang sa ilang hotlines.
Gawas niini, dunay giandam usab silang social worker aron maghatag og psychological first aid o mga impormasyon aron mapakalma ugaling dunay mibati og hilabihan nga kahadlok na alang sa ilang mahal sa kinabuhi nga atua sa maongm mga nasud.
Samtang gipaneguro sa opisyal nga in-placed ang buhatan lakip na ang Philippine Embassy sa ingon ani nga sitwasyon.
Pagbutyag pa niini nga adiser palargahon ang first timer nga OFW, requirement nila nga dunay contingency plan ang employer ugaling dunay dinaliang paghikling.
Apan sa karun anaa pa sila sa paghatag og advice sa mga kababayan natong naipit sa giyera nga magpabilin lang sja panimalay og unahan ang safety. Kini ang nakalatid karung giisa ang alert level 2 ang maong mga nasud.
Gikumpirma usab ni Butao nga base sa ilang listahan anaa sa 1,074 ka mga Caraganons ang apektado sa kagubot nga nagsumikad sa Israel, Iran, saudi Arabia, Bahrain, United Arab Emirates, Qatar, Oman, Kuwait, Lebanon og Jordan.
Apan giklaro sa opisyal nga ang maong ihap kadto lang ning mga indidbidwal nga anaa sa Balik Mangagawa o didto gyud sa ilang buhatan mikuha sa ilang Overseas Employment Certificates.
Walay labot matud pa niini kadtong mga first time nga sagad gikuha ang maong certificates didto sa main office tungod kay ang agency paman ang nag-asikaso.
Tungod niini, nagrequest na sila sa main office nga hatagan sa numero sa tanang mga Caraganons nga anaa sa maong mga nasud. Lakip sa giklaro sa opisyal nga bisan kadtong mga undocumented nga mga OFW, ila gihapong tabangan ugaling modool kanila aron makapauli.
