BUTUAN CITY- Gikomperma sa Department of Foreign Affairs (DFA) nga walay natalang Pilipinong na-angol o namatay sa duha ka kusg nga linog nga ming-igo sa Venezuela.
Sumala sa DFA, padayon nilang gimonitor ang sitwasyon pinaagi sa Embahada sa Pilipinas sa Bogota, Colombia, nga siya usab ang nag-atiman sa mga Pilipino sa Venezuela.
Nakigtambayayong na usab ang embahada sa mga Pilipinong nagmintinar sa Caracas ug sa syudad sa Barinas aron masiguro ang ilang kaluwasan.
Sa pagkakaron sigon sa DFA wala pa silay nadawat nga taho sa unsa mang kadaot o namatay nga Pilipino sa linog.
Gipahimangnuan usab sa ahensya ang mga kababayan sa Venezuela nga magpabilin sa luwas nga lugar ug padayon nga maminaw sa mga abiso sa lokal nga pangamhanan ug mga awtoridad.
Kahinumduman ang magbitude 7.2 nga linog ming-igo sa kasadpang patrte sa Caracas. Wala pay usa ka minuto dihang nasundan kini og mas kusog nga magnitude 7.5 nga pagtay-og.
Tungod sa kusog nga mga linog, nagdeklara na og state of emergency ang pangamhanan sa Venezuela aron mapadali ang pagtubag sa mga apektadong lugar.
