BUTUAN CITY – Gikumpirma sa Department of Foreign Affairs (DFA) nga wala’y Pilipino nga nasamdan sa pagbusikad sa Ras Laffan gas facility diin nahimutang ang main nga liquefied natural gas operations sa Doha, Qatar.
Sumala ni DFA spokesperson Aianlyn Ratonel, gi-report sa Philippine Ambassador sa Qatar nga wala’y Pilipinong nadamay sa insidente.
Nagsugod kini sa usa ka operational incident nga miresulta sa sunog sa Barzan gas plant ug sigon sa kumpanya, dali ra nilang napalong ang kalayo, pero dili pa klaro kung unsay epekto sa planta nga nag-supply og gas para sa domestic market.
Gibutyag usab sa Ministry of Interior sa Qatar nga adunay pipila nga nasamdan kansa makonsiderang technical accident lang. Gikumpirma usab nila nga walay gas leak rason nga dili angayang mabalaka ang publiko.
