BUTUAN CITY – Tensyonado ang budget hearing sa proposed 2 billion Pesos nga 2025 budget sa Office of the Vice President karong adlawa human nga dili mo tubag si vice President Sara Duterte sa mga pangutana mahitungod sa budget sa iyahang opisina.
Una nang gikataho sa Bise Presidente nga dili niini tubagon pinaagi sa Question and Answer format ang mga pangutana mahitungod sa proposed budget niini, ug ihatag nalang niya ngadto sa mga kongresista ang desisyon sa maong proposed budget.
Alayon niini, gikataho usab ni House appropriations committee senior vice chairperson Stella Quimbo nga gasayang-sayang ra sila og oras alang sa maong pagdungog kung dili tubagon sa Bise Presidente ang ilng mga pangutana.
Wala usab palabya ni Duterte si Deputy Minority Leader France Castro sa ACT Teachers dihang gipangutana kini kung giunsa paggasto ni Duterte ang 125 million Pesos nga confidential funds naidtung 2022, sumala ni Duterte nga wala matud pay labot ang maong pangutana sa pagdungog ilabi na nga walay confidential funds ang iyahang proposed budget sa 2025.
Sigon ni Castro nga daw nukos na hinoon si VP Sara tungod sa mga gilwatan niining pulong .
Ang pamahayag ni Congressman Castro.
Subay sa maong tinubagay, makadaghang higayon gipahinumdoman si Duterte nga e-observe ang decorum, ug ning-abot pa sa punto nga gihangyo ni Duterte ang committee chair, nga si Ako Bicol party-list Rep. Elizaldy Co nalang maoy mangulo sa hearing inay nga si Quimbo, kansa wala usab tuguti sa house.
Alayon niini, gisugyot nalang ni Zambales 1st District Rep. Jefferson Khonghun sa hinapos sa pagdungog kansa ning lungtad og kapin lima ka oras, ngadto sa mga kaubanan niini sa kongreso nga himoon nalang karong umalabot nga September 10, 2024 anfg maong deliberasyon, walay ning babag sa maong mosyon rason nga sa maong adlaw nalang ipadayon ang nasangpit nga pagdungog.
