BUTUAN CITY – Gi-anunsyo ang Senado ang pagbag-o sa pipila ka importanteng komite tungod sa nagpadayon nga tsismis nga adunay plano nga kuhaon sa puwesto si Alan Peter Cayetano isip Senate President.
Nahitabo kini human sa botohay niadtong Mayo 11 nga mipapahawa kang Senador Tito Sotto sa maong posisyon human nakatigom og 13 ka mga boto ang mga senador nga gi-ilang pabor kang Rodrigo Duterte aron mahimong bag-ong mayorya.
Bisan pa sa reorganization, anaa gihapo’y hungihong nga adunay grupo nga hilom nga nangita og 13 ka boto aron mapulihan si Cayetano.
Ang mga ngalan nga pirmeng madungog mao sila Senador Chiz Escudero ug Sherwin Gatchalian apan gibutyag ni Gatchalian sa media nga mas maayong unahon sa Senado ang trabaho kaysa sige’g ilis og liderato.
Sa bag-ong setup sa mga komite, gipulihan si Senador Panfilo Lacson ni Senadora Pia Cayetano isip chair sa blue ribbon committee, samtang si Ssenador Rodante Marcoleta ang gihimong representante sa Senado sa Judicial and Bar Council.
Si Senador Robin Padilla mibalik isip chair sa committee on constitutional amendments samtang si Senadora Imee Marcos ang chair sa committee on foreign relations.
Si Senadora Camille Villar nagpabilin nga head sa committee on environment ug mudumala usab sa committee on government corporations samtang ang igsoon niining si Senador Mark Villar nahimong bag-ong chair sa committee on finance.
