BUTUAN CITY – Puno sa simbolismo ang pagdeklara ni Vice President Sara Duterte sa iyang pagdagan sa 2028 national elections ilabina nga gihimo niya kini sa Miyerkules badlis kon ash Wednesday.
Sa eksklusibong pakighinabi sa Bombo Radyo Butuan, gipadayag ni Atty James Reserva, usa sa mga petitioners batuk sa unang mga impeachment complaints batuk sa besi presidente nga kini ang wala mabantayi sa mga ka-atbang niya sa pulitika nga nagpasamot sa ilang kasaba.
Aminado si Atty reserva nga dili siya apil sa inner discussion sa kampo sa besi presidente apan sa iyang lantaw, ang deklarasyon sa pagdagan niini sa pinakataas nga posisyon sa gobyerno. Nakita niya ang pagka-methodical niini tungod sa deliberate ug ma-ampingon niyangpagkalkula sa iyang mga gipanghimo.
Sa iyang lantaw, ang pagdeklara ni VP Sara sa iyang plano atol sa pagsugod sa kwaresma, timaan nga andam na siyang mupas-an sa dakong suliran nga gi-atubang karon sa nasud nga sala sa lenten season, pag-abot sa pagkabanhaw, maluwas usab niya ang nasud gikan sa hingpit nga pagkalugmok niini gikan sa kaala-utan.
Kini dakong hulga matud pa sa mga mu-atbang unya ni VP Sara bisan na sa administrasyon ug sa nag-claim nga anaa sa oposisyon apan kakunsabo sa administrasyon sama kang Senadora Risa Hontiveros.
Ang sayo nga deklarasyon ni VP Sara misamot sa tensyon nga nabati karon sa iyang mga ka-atbang sa pulitika kansa hangtud karon, wala pa’y klarong nawong nga i-atbang nila kaniya.
