-- ADVERTISEMENT --

BUTUAN CITY- Gihangyo sa defense team ni kanhi President Rodrigo Duterte ang International Criminal Court (ICC) nga isalikway ang testimonya sa nag-unang saksi sa prosekusyon kasna giila sa codename nga P-0002, tungod sa giingong kakulang sa kasaligang ebidensiya ug pagkadili-konsistent sa mga pahayag niini.

Sa petisyon nga gisumite niadtong Nobyembre 18, gikuwestiyon sa depensa ang kredibilidad sa saksi ug ang pamaagi sa prosekusyon sa pagkuha sa iyang impormasyon, nga giingong nagbase lamang sa mga detalye nga gihatag kaniya sa pipila ka indibidwal niadtong miaging tuig nga walay dokumentong nagsuporta niini.

Sigon usab sa depensa nga mahimong dili patas sa mga akusado ang pagdawat sa maong testimonya isip ebidensiya. Ang kaso may kalabotan sa mga alegasyon batok kang Duterte bahin sa mga pagpatay atol sa kampanya batok sa ilegal nga droga.

Gikatakdang ipahigayon sa Nobyembre 30 ang sunod nga hearing, diin gilauman nga unang ipatawag ang lima ka saksi sa prosekusyon, sa dili pa magsugod ang winter break sa korte sa Disyembre 18.