BUTUAN CITY – Mas misamot pa ang kainit sa pagpangandam alang sa ika-75 nga anibersaryo sa Miss Universe human gipahibalo sa organisasyon ang mga host ug presenter sa Miss Universe 2026.
Gikumpirma nga manguna isip hosts sa grand finale ang television host nga si Mario Lopez ug si Miss Universe 2022 R’Bonney Gabriel sa koronasyon nga himuon sa Nobyembre 24 sa Coliseo de Puerto Rico José Miguel Agrelot sa San Juan, Puerto Rico.
Lakip usab sa mga special presenter ang kanhi Miss Universe winners nga sila Dayanara Torres, Denise Quiñones ug Zuleyka Rivera, kauban sila Zuri Hall ug Lance Bass, nga miyembro sa sikat nga boy band nga NSYNC.
Gibana-bana nga mokabat sa 116 ka mga kandidata gikan sa nagkada-iyang nasod ang maglumba alang sa prestihiyosong korona.
Magsugod ang kompetisyon sa pagpili sa Top 30 nga mopasundayag sa swimsuit competition.
Gikan niini, pilion ang Top 12 nga mosulod sa evening gown competition, sa dili pa pilion ang Top 5 nga mag-atubangay sa question-and-answer portion..












