-- ADVERTISEMENT --
BUTUAN CITY- Giawhag sa Philippine Health Insurance Corporation kon PhilHealth ang mga miyembro niini nga pahimuslan ang mga benepisyo nga gitanyag sa ahensya alang sa mga sakit nga may kalabotan sa grabeng kainit sa panahon, lakip na ang heat stroke, heat exhaustion ug heat fatigue nga nagkinahanglan og pagpangospital.
Mahimong makadawat og benepisyo nga nagkantidad og 12,675 pesos ang mga pasyente sa heat stroke o heat exhaustion, samtang 18,135 pesos alang sa heat fatigue.
Gidasig usab sa PhilHealth ang mga miyembro nga magparehistro sa Yaman ng Kalusugan Program o YAKAP aron makapahimulos sa libreng konsultasyon, laboratory tests, cancer screening ug tambal nga nagkantidad og hangtod 20 mil pesos matag tuig pinaagi sa GAMOT program.












