BUTUAN CITY- Gitandi sa defense team ni Vice President Sara Duterte ang mga subpoena nga gipangayo sa House Prosecution panel nga daw usa ka search warrant o mandamiento arom makahimo og pagpangita sa usa ka property. Sumala ni Defense Team spokesperson Atty. Michael Poa, dili matud pa kinahanglan nga hatagan ang susamang klase nga subpoena tungod posible kining maila nga dili makataronganong pagpangita sa kabtangan sa Bise Presidente. Gitawag usab sa panel ang maong lakang isip fishing expedition o pagpangita og mga ebidensya tungod walay makita nga hustong ebidensya nga e-presenta ang prosecution. Pag-insistar pa ni Atty. Poa, nga bisan paman dili sudlon ang panimalay ni VP Sara, ma-ila gihapon kini isip intrusive action tungod buksan na ang tanang financial transaction sa Bise Presidente sulod sa 2 ka tuig.
Samtang sa pikas bahin giklaro usab ni House Prosecutor Rep. Chel Diokno nga ang subpoena wala nagpasabot nga ang mga dokumentong gipangayo ma-ila gilayon isip mga ebidensya. Matud pa niini, ang mga gipangayong bank records ni Vice President Sara adiser ang iyang Vice Presidential term maghatag sa panel og hustong financial picture aron masusi ang alegasyon nga aduna kini gitagaoang bahandi.
Samtang gikwestyon usab ni Senator-Judge Alan Peter Cayetano si Rep. Diokno nga kung ang pagsaka sa financial capacity base sa SALN sa usa ka official sulod sa 2 ka tuig posibleng nang pagdudahan kini ug aduna nay ill-gotten wealth ug igo na usab matud pa kini nga rason aron ipa-subpoena sa Senate Impeachment Court ang financial records sa maong official sulod sa 2 ka tuig. Gibarugan usab ni Diokno nga kinahanglang mapamatud-an una ang bahandi sa maong official kansa sukwahi sa iyang mga gipangsulti. Possibleng ang maong mga bahandi wala gipakita sa iyang SALN
