BUTUAN CITY- Minghapak na sa dili mokubos 164 ka tao ang patay ug dul-an 1,000 ang angol human mingtya-og ang duha ka kusog nga linog sa Venezuela, diin ang unang linog nga adunay magnitude 7.2 ming-uyog sa kadlawon duol sa 160 kilometro gikan sa Caracas, gisundan dayon kini sa laing magnitude 7.5 nga linog nga mengresulta sa pagkahugmak sa daghang mga estruktura ug imprastraktura sa maong dapit.
Sumala sa mga awtoridad, labing grabeng naapektuhan ang La Guaira ug ang pipila ka lugar sa Morón sa Carabobo, kung asa daghang balay ang nabuak, naputol ang suplay sa kuryente ug tubig, ug lakip sa mga namatay ang pipila ka mga bata. Nagpadayon usab karon ang search and rescue operations samtang nakig-coordinate ang gobyerno ilalom sa interim leadership ni Interim President Delcy Rodríguez uban sa mga pribadong sektor aron mapadali ang rescue efforts ug matubag ang panginahanglan sa mga biktima.
Nagpasidaan usab ang United States Geological Survey nga posible pa nga modaghan ang mga casualty samtang nagpadayon ang pagpangita sa mga na-trap, ug gi-taho nga nangandam na ang Estados Unidos sa pagpadala og dugang search and rescue teams ug humanitarian assistance alang sa Venezuela.
