BUTUAN CITY – Gi-anunsyo ni Department of Energy (DOE) Secretary Sharon Garin ang pag-abot na sa dakong suplay sa diesel gikan sa Malaysia nga gipalit sa gobyerno pinaagi sa Philippine National Oil Company – Exploration Corporation (PNOC EC).
Sigon ni Garin, ang shipment gilangkuban sa kinatibuk-ang 329,000 barrels sa diesel, nga gituyo aron pakusgon ang reserba sa nasud talisa nagpadayong tensyon sa Middle East nga miresulta sa pagtaas sa presyo sa lana sa pangkalibutanong merkado.
Base sa datos sa DOE, ang dugang suplay gila-umang makatabang aron mamintina ang stable nga imbentaryo sa fuel sa musunod nga semana ilabina nga mitaas na og maayo ang presyo sa diesel sa lokal na merkado ning mi-aging semana.
Ang maong lakang kabahin sa emergency procurement strategy sa gobyerno aron malikayan ang posibleng kakulang sa suplay ug mapagaan ang epekto sa sektor sa transportasyon ug industriya.
