BUTUAN CITY – Misaka pa sa 53 ang suspected cases sa Coronavirus disease 2019 kon Covid-19 sa rehiyon sa Caraga.
Base sa Covid-19 Situational report number 82 sa Department of Health kon DOH-Caraga, pinakadaghan sa suspected cases nagsumikad sa Butuan City nga dunay 32, nga gisundan sa Agusan Del Norte nga dunay 8, Cabadbaran City- 4, tag-duha sa Bayugan City, Agusan del Sur og Tandag City samtang tag-usa usab sa Surigao Del Norte, Surigao Del Sur ug Bislig City.
Sa nasangpit nga ihap, 10 ang pending ang resulta sa RT-PCR samtang usa ang kuhaanan pa og specimen.
Hangtud karun, nagpabilin pa sa tulo ang kumpirmadong kaso sa Covid-19 sa Caraga diin usa niini ang nakarekober ug nadis-charge na samtang usa ang na-admit ug usa ang naka-strict quarantine.
Alayon niini, padayon ang panawagan sa mga health authorities nga dili mukumpansa og padayong obserbahan ang mga health protocols sama sa social distancing, kanunay nga pagsuot og face mask ug pag-practice sa proper hygiene.
