BUTUAN CITY – Gipaniguro ni Chinese President Xi Jinping nga mangita siya og solusyon aron makapangisda pa gihapon ang mga mangingisdang Pinoy nga anaa sa natural fishing ground sa West Philippine Sea. Kini ang usa sa mga nasabutan nila Pangulong Ferdinand ‘Bongbong’ Marcos ug Xi sa ikaduhang adlaw sa iyang state visit sa China kagahapon.
Sigon ni Pangulong Marcos, mangita og pamaagi ang Chinese president aron matabangan nga makapangisda pa gihapon ang mga mangingisdang Pinoy sa parte sa dagat nga sagad agbaton usab nila sa mga mangingisdang Intsik.
Nagkasabot usab silani Xi nga kanunay nga duna’y himuong kooperasyon aron mamintina ang kalinaw sa rehiyon.
Dungan niini ang pagpinirmahay nila og kasabutan alang sa kamugnaan sa communication mechanism sa maritime issue tali sa Department of Foreign Affairs sa atong nasud ug sa Ministry of Foreign Affairs usab sa China.
