BUTUAN CITY – Mibahad si US President Donald Trump nga dili niini lugwayan ang ceasefire tali sa United States og Iran ugaling ang negosasyon mapakyas sa pagkab-ot sa kasabutan.
Sa pagpangutana atol sa iyang pagsakay sa Air Force One kung patas-an paba niini ang ceasefire o subling ibalik ang pag-atake, gibutag ni Trump nga dili niinin lugwayan ang ceasefire hinoon ibalik ang blackade sa strait of hormuz og sugdan na usab ang paghulog og mga bomba.
Lakip sa gibahad ni Trump nga kuhaon niini ang stockpile sa enriched uranium ugaling mapakysa ang kasabutan.
Komento kini ni Trump sa gilaumang pag-abot sa Pakistan sa delegasyon sa US og Iran nga posibleng makahimo og negosasyon karung lunes, sumala sa Iranian sources nga dunay kahibalo sa panagsabot.
Apan wala mikumpirma ang United States kung naka-schedule ba ang maong panagpulong.
Una nang gipadayag ni Trump nga kampante kini nga hapit na makab-ot duha ka partido ang kasabutan.
