BUTUAN CITY -Nangandam na usab sa pagdula og tennis si two-time Olympic gold medalist Carlos Yulo human ma-apil sa homecoming event ni Pinay tennis star Alex Eala nga ipahigayon karong Disyembre sa Philippine Arena.
Kauban ni Yulo sa iyang pagpangandam ang iyang hinigugmang si Chloe San Jose.
Gikonsidera nga usa ka Philippine sports all-stars event ang maong kalihokan tungod kay mu-apil usab si boxing legend ug champion Manny Pacquiao, lakip ang pipila ka mga artista nga makigduwa sa exhibition matches.
Sa main event, mag-atubang si Eala ug ang Indonesian tennis player nga si Janice Tjen, nga usa usab ka Southeast Asian tennis champion.
Sa kasamtangan, anaa si Eala sa ika-15 nga ranggo sa pinakabag-ong listahan sa Women’s Tennis Association kon WTA.












