BUTUAN CITY- Nanawagan si Manila Archbishop Jose Cardinal Advincula nga ihunong na ang gitawag niining “Walay pulos nga gubat” sa Middle East sa iyang mensahe alang sa Pasko ng Pagkabuhay.
Sa iyang pamahayag, nakighi-usa ang Cardinal sa panawagan ni Pope Leo XIV alang sa kalinaw taliwa sa nagpadayon nga tensyon sa tali sa Iran, Estados Unidos, ug Israel nga nagsugod pa niadtong mi-aging buwan.
Sumala sa Advincula, ang Pasko ng Pagkabuhay usa ka “dili-bayolenteng pakigbisog batok sa pagdumot.”
Gipasiugda usab niini, nga samtang mingtay-og ang mga yuta tungod sa mga drone ug missile, ang pagkabanhaw ni Hesus ang tinuod nga kablita sa kalibotan aron tapuson ang pag-antos ug pagkabungkag.
Dugang pa sa Arsobispo nga ang Easter usa ka tawag sa pagbatok sa mga puwersang gusto nga “ilubong ang atong kalipay ug kaugmaon.” Gidasig usab sa Arsobispo ang mga Pilipino nga balibaran ang gitawag nga “globalisasyon sa kawalay pagtagad” (globalization of indifference) ug daw normalisasyon sa genocide sa ubang parte sa kalibotan.
Kahinumuduman sa iyang homilya niadtong Biyernes Santo, gipasiugda sa Cardinal ang epekto sa panagbangi sa Middle East sa mga Pilipino, partikular na sa mga Overseas Filipino Workers (OFWs) ug pagsaka sa presyo sa lana sa nasud.
Nahuman ang Cardinal sa usa ka pag-ampo nga kining higayona magsilbi unta nga usa ka oportunidad sa “pagpaligid sa mga bato” sa pagpanglupig ug pag-abiabi sa usa ka bag-ong adlaw sa paglaum.
