BUTUAN CITY – Dako ang pagtoo sa mga Caraganons nga dunay dakong kalambigitan ang nakitang 10 ka tiil nga gitas-on sa patay nang oarfish sa Agusan Del Norte sa nasinating kusog nga linog sa Surigao City.
Una nang nabalaka ang mga residente dihang napadpad ang duha ka oarfishes sa baybayon sa Brgy. Masao ning siyudad og sa lungsod sa Buenavista, Agusan del Norte tungod sa pagtoong duna kini dalang kalamidad, base na usab sa mga pagtuon.
Sigon ni Japanese seismologist Kiyoshi Wadatsumi sa artikulo sa Japan Times, ang mga isdang nagpuyo sa ilalom sa dagat sama sa oarfish, mas sensitibo sa matigayong tremor kon pagtay-og ilalom sa dagat hinungdang sa pagbiya niini sa ilang pinuy-anan og mangita og luwas nga lugar.
Namatay ang mga napadpad nga oarfishes tungod sa init ng temperatura sa mas mabaw nga bahin sa dagat kumpara sa kabugnaw sa ilang natural habitat nga pila ka libo ka tiil ang giladmon.
Una nang gihupay ni Lindon Garay sa Bureau of Fisheries and Aquatic Resources kon BFAR-Agusan Del Norte ang kabalaka sa katawhan ilabina diha sa social media nga nag-ingong dunay kalamidad nga dala ang pagdagsa sa maong klase sa isda.
