BUTUAN CITY – Gibalik na ang mga dula sa table tennis sa nagpadayong Palarong Pambansa 2026 karung adlawa, Mayo 28, human temporaryong gi-undang kagahapon tungod sa nahitabong sunog sa may likod nga parte sa Municipal Gymnasium sa lungsod sa Talacogon nga maoy gigamit nga playing venue.
Una nang giklaro sa mga otoridad nga walay na-angol ug nasakitan sa insidente nga daling narespondehan ug napugngan sa BFP.
Sigon ni Tournament Director Alfredo Alpil Camacho, nagsugod pag-aso sa gawas nga bahin sa gym pasado alas-12:30 sa udto kagahapon nga gikan sa usa ka cubicle sa gawas nga bahin rason nga dali kining gikumbatihan pagpalong sa mga naka-standby nga bombero.
Tungod niini nga insidente, mag-extend sila og oras aron mahuman ang mga dula nga na-apektuhan gahapon.
