BUTUAN CITY – Misaka na sa 377 ang kinatibuk-ang kumpirmadong kaso sa COVID-19 sa Caraga Region human nga nadugangan og lima ka bag-ong kaso.
Kini base na sa pagkumpirma ni Department of Health kon DOH-Caraga assistant regional director Dr Gerna Manatad human nga mi-abot kanila bag-uhay lang ang 89 ka mga RT-PCR results gikan sa Southern Philippines Medical Center sub-national laboratory sa Davao City.
Sa bag-ong mga kaso, tulo niini ang mga lalaki ug duha ang mga babaye kondiin duha ang anaa sa age bracket nga 20 ngadto sa 30-anyos kon 40-porsento sa kinatibuk-ang bag-ong kaso samtang laing duha usab kon 40-porsiento gihapon ang anaa sa 60 ngadto sa 70-anyos; ug 20-porsento kon usa ang anaa sa edad nga 50 ngadto sa 60-anyos.
Sa maong ihap usab, 3 ang mga locally stranded individuals kon LSIs ug duha ang mga health care workers nga duna’y contact ngadto sa case numbers 340 ug 341.
Sa mga bag-ong kaso, duha niini ang taga-Bunawan, Agusan del Sur samtang tulo ang taga-Surigao del Sur partikular sa mga lungsod sa Cortez nga duna’y duha ug usa sa Marihatag.
Upat kanila k,on 80-porsiento ang mga asymptomatic kon wala’y gipakitang simtomas samtang 20-porsiento kon usa ang duna’y mild condition.
