BUTUAN CITY – Nakakuha na ug 2 ka Gold Medals ang rehiyon sa Caraga sa nagpadayong Palarong Pambansa 2017. Kini ang nasakmit sa taekwondo Poomsae sa secondary boys pinaagi ni Jade Alexi Cabilao ug si Charmae Morgado, sa wrestling 44kgs. secondary girls.
Sa pakighinabi ning sibyahan kang Elizalde Bernales, Regional Information Officer sa DepEd-Caraga, maayong senyales na kini aron makab-ot ang target sa rehiyon nga 12 ka mga Gold Medals.
Kini ilabina kay duna pay mga finalist sa bulawang medalya ang Caraga sama nalang sa taekwondo ug arnis.
Gawas pa kini sa maayong performance sa basketball diin wala pa kini pildi sa 3 ka mga dula.
Tungod niini, gibutyag ni Bernales nga posibling mabutang sa ika-walo o ika-pito sa ranking ang Caraga Region.
Hangtud sa pagkutlo ning balita usab, aduna nay 5 ka silver ang Caraga ug 7 ka mga Bronze.
Mi-apela nalang ang opisyal ug padayong suporta ug pag-ampo sa mga Caraganon aron magmadaugon ang mga atleta sa rehiyon.
