BUTUAN CITY – Nakatala og upat ka bag-ong patay ug 180 ka mga bag-ong kaso sa COVID-19 ang Caraga Region kagahapong adlawa kondiin sa mga bag-ong kaso, 177 ang naka-isolate ug 93 ang mga bag-ong nakarekober.
Tungod niini, duna na’y 12,928 nga cumulative COVID-19 cases ang rehiyon, 2,102 ang naka-isolate, 10,419 ang nakarekober ug407 na ang patay.
Sa mga bag-ong kaso, pinakadaghan ang natala dinhi sa dakbayan sa Butuan nga mi-abot sa 49, sunod ang Dinagat Island province-31; Surigao City-19; Bislig City-18; Agusan del Norte-17; Agusan del Sur-15; Surigao del Norte-14; Surigao del Sur-10, Cabadbaran City-5 ug Tandag City-2.
Samtang dinhi sa dakbayan sa Butuan, pinakadaghan ang natala sa Brgy. San Vicente nga mi-abot sa 11; Libertad-9, tagtulo sa Brgy. Ambago, Limaha ug Pangabugan, tagduha sa Brgy. ANtongalon, Baan Km.3 ug Obrero.
Nakatala usab og tag-usa ka kaso ang Brgy. Agusan Pequeño, Amparo, Ampayon, Babag, Bading, Buhangin, Dulag, Golden Ribbon, Holy Redeemer, Mahay, San Ignacio, Tandang Sora, Tiniwisan ug Villa Kananga.
