BUTUAN CITY – Nanghunaw si Civil Aviation Authority of the Philippines kon CAAP-Butuan branch manager Evangeline Daba kalabot sa alegasyong duna’y ‘Rapid Test Negative Result For Sale’ sa Bancasi Airport.
Sa eksklusibong pakighinabi sa Bombo Radyo Butuan, gipadayag ni Daba nga wala siya’y kasayurang duna’y nagtunhay nga ingon niini nga modus sa sulod.
Hinuon mi-angkon kini nga sa ikaduhang semana sa pagsugod na og balik sa ilang operasyon, duna’y gihimong test sulod sa airport ang usa ka Dr. Pedrosa apan iya kining gihunong tungod kay magsauy-sauy na matud pa ang mga tawo nga mawala na ang social distancing kansa mas makapataas sa risgo sa local transmission.
Giklaro pa niining ang nagapangayo lang og rapid test result mao lang ang mga airline companies samtang sila sa CAAP igo lang mukuha sa mga basic information gikan sa mg pasahero sama sa body temperature, magbantay sa social distancing ug uban pa.
