BUTUAN CITY – Mi-abot sa 100 ka mga exhibitors sa nagkada-iyang bahin sa Caraga Region ang misalmot sa usa ka buwan nga Buy Caraga By Caraga Women OTOPreneur Trade Fair nga gisugdan ning adlawa.
Gipangunahan kini sa Department of Trade and Industry kon DTI-Caraga alang sa mga babayeng entrepreneurs subay na usab sa paghandom ning entiro buwan sa Marso isip International Women’s Month.
Sa eksklusibong pakighinabi sa Bombo Radyo, gipadayag ni Mike Ariel Plaza, tigpamaba sa maong ahensya, ang maong mga exhibitors gilangkuban sa mga negosyong gipangunahan ug gipanag-iyahan sa mga babaye gikan sa nagkadaiyang probinsya partikular ang mga micro, small and small enterprises kon MSMEs nga duna’y baligyang mga makonsiderang best local products sama sa mga food ug non-food products nga pulos locally made.
