BUTUAN CITY – Subling nanguna ang dakbayan sa Butuan isip dunay pinakadaghang kaso sa Human Immunodeficiency Virus kon HIV gikan sa mga syudad sa rehiyon sa Caraga. Sumala sa tala sa Department of Health kon DOH Caraga nga gikan matud pa niadtung 1995 padulong sa Mayo ning kasamtangan nga tuig, duna nay 420 ka mga kaso sa HIV ang dakbayan, diin gisundan kini sa Surigao City nga nakatala og 214 ka mga kaso.
Nagsunod usab niini ang Bislig City sa 65, Tandag nga dunay 60, Bayugan nga dunay 59, ingon man sa Cabadbaran nga dunay 40. Sumala ni ANTON TORRALBA, Regional Program Officer sa Sustained Health Initiatives of the Philippines kon SHIP, nga usa matud pa sa pagpamatuod ang maong datus nga naglihok gayud ang programa ning dakbayan ilabi na sa mga HIV testing.
Pasabot niini nga kung walay himoong mga tests, wala usay ma tala nga mag positibo. Pag-angkon sa opisyal nga tungod matud pa kay highly urbanized city man ang Butuan, dili gayud kalikayan nga daghan usab ang mga kalingawan sa dakbayan o night life.
Dugang niini nga ning invest matud pa ang lokal nga pangamhanan sa Butuan sa pagpanguna sa Department of Health og mga test kits alang sa kalampusan sa mga HIV testings ning dakbayan.
ang pamahayag ni ANTON TORRALBA, Regional Program Officer sa Sustained Health Initiatives of the Philippines kon SHIP ilalum sa PROTECTS UPSCALE pinaagi sa Pilipinas Shell Foundation inc Global Fund HIV Project Cycle 7 station sa DOH CHD Caraga.
Alyon niini, nanguna usab ang Agusan del Sur sa dunay pinaka daghang kaso sa HIV sa mga probnsysa sa Rehiyon sa Caraga diin nakatala kini og 280, nagsunod niini ang Surigao del Sur nga dunay 216, ingon man ang Surigao del Norte nga dunay 130, Agusan del Norte nga dunay 113, ingon mna sa Dinagat Islands nga dunay 31.
