BUTUAN CITY – Gipa-ilawom na sa state of calamity ang Butuan City human gi-aprubahan ang Sangguniang Panlungsod Resolution No.16-244-2024 tungod sa gi-atubang niining extreme water shortage crisis mugna na usab sa El Niño phenomenon nga naghatag og grabeng huwaw sa tuburan sa tuig ning siyudad, ang Taguibo watershed.
Kini human nga nasinati sa Butuan ang ‘way below normal” rainfall sulod sa tulo ka sunud-sunod nga bula nga naka-contribute sa nasiantiankarong krisis sa suplay sa tubig.
Ang deklarasyon gisuportahan sa Section 16 sa Republic Act 10121, the Philippine Disaster Risk Reduction and Management Act of 2010 nga naghatag pagtugot sa mga lokal nga panggamhanan sa pagdeklara og state of calamity base sa damaged assessment ug needs analysis aron mahatag sa mga apektadong populasyon ang mga resources ug immediate assistance.
Subay sa resolusyon, ang kakulangon sa suplay sa tubig nak-apekto sa 15% sa populasyon sa syudad ug sobra sa 30% sa agricultural, business ug industrial sectors nga nagkinahanglan sa hinanaling emergency assistance.
Ang deklarasyon maghatag pagtugot sa syudad ug mga apektadong barangay nga ma-access ang ilang 30% Quick Response Fund o QRF aron pagpatuman sa mga proyekto, programa ug mga aktibidades sa ingon mahatagan kasulbaran ang mga krisis sa tubig.
