Budget sa PCOO, gipatangtang tungod sa nag-viral nga federalism dance
BUTUAN CITY – Gikumpirma ni Akbayan Partylist Rep. Tom Villarin nga nagbuhat na sila ug pamahayag aron tanggalan ug budget ang Presidential Communications Operations Office kon PCOO human ang kontrobersiyal nga video ni Asec. Mocha Uson sa iyang federalism dance.
Sigon ni Cong. Villarin, kung dili palagputon sa puwesto si Uson, ipaabot nila sa budget hearing ang ilang sulat pamahayag nga tanggalon ang gipangayo nga 350 milyones pesos nga budget sa maong opisina.
Kini dungan sa pamugos sa magbabalaod nga usa ka panamastamas sa mga kadagkoang opisyal sa nasud ang gihimu ni Uson.
Pasabot pa niini, usa ka seryosong hisgutanan ang pederalismo ug dili comedy bar nga sagulan ug binastos.
Kinahanglan matud pa nga pahawaon na si Uson ug dili na magpadayon sa pangatungdanan sa gobyerno ilabina karung pulos bug-at ang hisgutanan sa nasud. (Rolan Janea)
