BUTUAN CITY – Giklaro ni Senate President Vicente “Tito” Sotto III sa iyang gipatawag nga press conference nga ang mga amendments o insertions sa budget—ma-indibidwal man kini o institusyonal— kabahin sa regular nga proseso sa Senado.
Obligasyon matud pa sa mga senador nga siguruhon nga ang pondo sa nasud gigahin sa mga proyektong mapahimuslan sa mga lugar nga wala mahatagi og igong pagtagad sa mga regional councils ug gipamugos ang transparensiya sa proseso.
Isip tubag sa mga isyu sa ghost projects ug palpak nga mga flood control initiatives, gibutyag ni Sotto nga magpahigayon ang Senado og mga reporma alang sa mas bukas nga deliberasyon kondiin usa na niini ang pag-live stream sa tanang parte sa budget process aron mas mahimong accessible sa publiko.
Gawas niini, kinahanglang dili usab dali-dalion ang pag-apruba niini ilabina kung mapapasar na sa 2nd reading sa ingon mabasa og maayo sa mga magbabalaud ug malikayan ang insertions nga kasagaring natigayon human sa 2nd reading.
Samtang ang mga pundo alang sa mga langyaw’ng proyekto, dili na usab hilabtan
