BUTUAN CITY- Gitambakan sa Boston Celtics ang Philadelphia 76ers og 32 big points sa unang pag-atubang sa duha sa 2026 NBA Playoffs sa skor nga 123 – 91. Nag-una sa kadoagn sa Boston ang all-around forward nga si Jayson Tatum nga mingkumada og 25 points gikan sa 9 nga nasulod sa field goals ug 6 ka free throws.
Mingkumada usab kini og 11 rebounds, 7 ka assists, ug 2 ka steal. Nahimong dakong tabang usab sa Boston ang 26 points ug 4 ka rebounds ni 2024 NBA Finals MVP Jaylen Brown. Sa maong performance, nahatagan si Brown og +23 overall performance.
Sa pagtapos palang sa 1st quarter, gikoptan na sa Boston ang 15-point lead nga mas mingdako pa sa sunod nga quarter, hangtud mabulsa niini ang 123-91 win.
Tungod sa hugot nnga depensa sa Celtics, nahimo niining limitahan ang 76ers sa upat ka 3-pointers. Nalimitahan usab ang Sixers sa makapahigawad nga 87 points per possession samtang ming-abot sa 1.18 points ang nahimo sa Boston sa matag kupot niini sa bola. Ming-abot pa sa 35 points ang bintaha sa Boston hangtud wala na makagukod ang Philadelphia.
Tungod sa kadaohan, tulo nalang ang kinahanglan sa Celtics aron mosaka sa sunod nga round sa elimination.
