BUTUAN CITY – Personal nga gihatud sa ginsakpan sa Bureau of Fire Protection kon BFP-Caraga ang plaque of recognition dinhi sa Bombo Radyo Butuan broadcast center isip usa sa ilang mga gituulan og awards atol sa ilang ika-29o nga anibersaryo.
Ang plaque nga pinirmahan ni BFP-Caraga regional director SSupt. Romel Tradio, nag-ila sa padayong suporta nga gihatag ning sibyahan ngadto sa ilang ahensya isip partner sa promosyon sa Fire Safety and Prevention Campaign diha sa positibo, outstanding ug epektibong paagi sa pagserbisyo pinaagi sa mga social media channels ug ubang klase sa information-dissemination alang sa kaayuhan sa publiko.
Kini pinaagi sa pag-edukar kanila kalabot sa kasayranan sa fire safety ug paglikay sa sunog nga musangpot ngadto sa luwas sa kalayo nga lugar nga puy-an sa tanan.
Gi-ila sa maong ahensya ang na-abag sa Bombo Radyo Butuan nga nakatabang pagkab-ot sa ilang misyon og panglantaw.
