BUTUAN CITY – Gikoronahan ang pambato sa lalawigan sa La Union nga si Bea Millan-Windorski isip bag-ong Miss Universe Philippines 2026 human mipatigbabaw gikan sa laing 50 ka mga contestants sa coronation night kagabii nga gipahigayon sa MOA Arena sa Pasay City.
Gidayeg sa mga judges ang tubag niini sa questions and answer portion kalabot sa daghang mga Pinoy nga dismayado sa nasud rason nga importante ba kung dapat niya kining irepresentasa mga international competitions.
Gibutyag ni Windorski nga ang rason sa iyang pagpa-uli sa Pilipinas tungod sa daghang mga potensyal nga kakapas sa mga Pilipino.
Apil sa nahimong finalists sila Apriel Smith sa Cebu City, Marian Arellano sa Tarlac, Bella Ysmael sa Taguig, Nicole Borromeo sa Cebu Province, Allyson Hetland sa Pampanga , ug Jenrose Javier sa Sultan Kudarat.
Tungod niini, si Windorski ang muhulip kang Ahtisa Manalo ug mahimong pambato sa nasud sa 50th Miss Universe nga himuon sa Puerto Rico.
