BUTUAN CITY – Mipirma ang National Bureau of Investigation (NBI) sa usa ka administrative order nga nagmandu og imbestigasyon dili lang kang Davao City Mayor Sebastian “Baste” Duterte kundi sa tanang indibidwal nga nagpagawas og hulga batuk sa First Family ug sa gobyerno.
Sigon ni NBI Director Melvin Matibag, wala nakatutuk sa usa ka tawo ang kamanduan kundi sa bisan unsang magpagawas og pamahayag nga dunay hulga sa gobyerno.
Naatol lang matud pa nga dungan niini ang nahimong pamahayag ni Mayor Duterte rasong nakabaton og sayop nga pagtoo nga siya lang ang gi-imbestigahan.
Pamugos sa NBI, sakop usab sa imbestigasyon ang social media accounts sa pipila ka personalidad nga matud pa nagpakatag sa hulga batuk sa Pangulo ug uban pang opisyal.
Una nang gikumpirma sa NBI nga gisusi na nila ang pamahayag ni Mayor Duterte batuk kang Pangulong Ferdinand “Bongbong” Marcos Jr., sunod sa panawagan sa Malacañang nga imbestigahan ang mga hulga ug matud pa plano batuk sa Pangulo nga nautingkay usab sa pagdungog sa Kamara.
Gibulgar sa testigong si Ramil Madriaga, nga matud pa kanhe bagman ni Vice President Sara Duterte, nga dunay mga panag-estorya sa pipila ka kanhe opisyal ug retired generals mahitungod sa planong pagpalagpot ug bisan apagpatay sa Pangulo.
