(pictures courtesy of Richard Grande)
BUTUAN CITY – Gi-andam na sa kadumalahan sa Philippine Drug Enforcement Agency kon PDEA-Caraga ang mga ebidensya og dokumentong gamiton alang pagpasaka nila og kaso ngadto sa usa ka kagawad og usab ka kapitan sa Brgy. Patin-ay, lungsod sa Prosperidad, Agusan del Sur.
Kini human nagpositibo ang gihimong drug raid sa maong ahensya kagahapon sa alas-singko sa sayong buntag uban sa kapulisan sa maong lungsod.
Sigon ni P/Sr. Insp. Gerry Fernandez – hepe sa Prosperidad Municipal Police Station, nakuha gikan sa posisyon ni kanhi kapitan og karon barangay kagawad Antonio Tumale ang tulo ka mga sachets sa gidudahang shabu uban sa duha ka armas nga duna’y mga bala.
Samtang nakuha usab gikan sa posisyon ni Kapitan Romeo Lagat Jr., parehong residente sa Purok 2 sa susamang barangay, ang unom ka mga sachets sa susamang epektos. (Beth Ruiz)
