BUTUAN CITY – Gikasuhan na og paglapas sa Republic Act No. 9165 kon mas nailang Comprehensive Dangerous Drugs Act of 2002 ang tulo ka mga drug pushers human ang malampusong drug buy-bust operation nga miresulta sa pagkakumpiska sa balor 13-milyunes, 600-mil pisos nga suspected shabu.
Sa eksklusibong pakighinabi sa Bomb Radyo Butuan, gibutyag ni PLCol. Diomedes Cuadra , hepe sa Surigao City Police Station, nga natigayon ang operasyon sa compound sa Philippine Ports Authority sa Brgy. Lipata, Surigao City, Surigao del Norte pasado alas-sais kagabii.
Ang maong ilegal nga druga nakuha gikan sa posisyon nila Jamil Mawi alyas Diala, 48-anyos ug Naif Abdul alyas Janalan, 37-anyos, pulos residente sa Brgy. Langkaan, Dasmariñas, Cavite ug Aminodin Ampaso alyas Din, 33-anyos, residente sa Brgy. Maranding, Lala, Lanao del Norte kinsa parehong nalista isip mga high-value individuals.
Ang maong kantidad gikan sa nakumpiskang dos-kilos nga shabu samtang apil sa nakuha ang usa ka electric weighing scale; Ford Ranger pick-up, ug mga personal nga gamit sa mga suspetsado.
Dugang ni Col. Cuadra, pila ka buwan nila kining gi-surveillance adiser gilusad ang operasyon.
