BUTUAN CITY – Gipahigayon na dinhi sa dakbayan sa Butuan ning adlawa ang Balangayan 2019 Constitutional Roadshow.
Ang Constitutional Reforms kon CORE gipangunahan sa Department of Interior and Local Government kon DILG kansa maoy naglusad sa provincial roadshows sa nagkada-iyang rehiyon pinaagi sa Center for Federalism and Constitutional Reform kon CFCR sa pagpanguna ni Undersecretary Jonathan Malaya.
Nasayrang ang DILG maoy gitahasan pagpatuman sa massive information dissemination sa maong proyekto.
Apil sa nakahan-ay nga mga kalihukan karong adlawa ang media briefing, CORE talk tali sa mga estudyante, convention rally uban sa mga lideres og membro sa multi-sectoral group ingon man town hall meeting isip kabahin sa nationwide campaign sa ingon ma-inform ug ma-edukar ang publiko kalabot sa mga merito sa pederalismo.
