BUTUAN CITY – Musalmot ang Filipino-German beauty queen nga si Imelda Schweighart sa pinaka-unang All Stars edition sa Miss Grand International (MGI).
Sa usa ka Facebook post, gikumpirma sa MGI organization nga apil si Schweighart sa mga representante sa Pilipinas para sa maong kompetisyon.
Gihulagway siya sa organisasyon isip usa ka “legendary multi-hyphenate” ug “true icon” iyang henerasyon.
Sumala sa MGI, nagsugod ang karera ni Schweighart sa dihang nakadaog siya sa iyang unang national crown sa edad nga 15-anyos.
Usa usab siya ka trained actress sukad pa sa pagkabata ug nahimong iladong leading lady niadtong 2010. Karon, aktibo siya isip singer-songwriter, music producer, ug negosyante.
Gidayeg usab sa organisasyon ang iyang “resilience, individuality, ug authenticity,” lakip ang iyang maisugon ug talagsaon nga personalidad nga maoy nagdala kaniya og lahi nga kusog sa entablado.
