BUTUAN CITY – Giumpirma sa state weather bureau nga ang kanhe Low Pressure Area kon LPA mikusog na ug nahimong tropical storm sulod sa ilang monitoring domain.
Ang bagyo, nga gihatagan og lokal nga pangalan nga “Caloy” kung hingpit nang musulod sa Philippine Area of Responsibility kon PAR nasigpatan sa kalay-ong 2,800 kilometros sa sidlakan sa Northeastern Mindanao.
Duna kini maximum sustained winds nga 55 kilometros kada oras ug pagbuylo nga muabot sa 70 kilometros kada oras.
Sigon sa taho, ubos ang posibilidad nga mag-landfall ang bagyo sa kayutaan sa Pilipinas tungod sa gilaumang northward trajectory niini apan mamahimo pa gihapon kining maghatag og kusog nga balud sa sidlakang parte sa nasud nga posibleng makaapekto sa pagpangisda ug shipping routes.
Gitambagan ang publiko nga magpabiling alerto sa mga sunod nga advisory ug mahimong andam sa posibleng kabag-ohan sa direksyon ug kakusog sa bagyo.
Sa kasamtangan, nagpabiling partly cloudy to cloudy skies nga dunay isolated rainshowers o thunderstorms ang kahimtang sa panahon sa Metro Manila ug uban pang parte sa nasud nga hatud sa localized thunderstorms.
