BUTUAN CITY – Gisumbalik ni Philippine National Police kon PNP Chief Director General Oscar Albayalde ngadto kang kanhi Criminal Investigation and Detection Group kon CIDG chief og karon Baguio City Mayor Benjamin Maagalong ang isyu sa mga ninja cops.
Gibutyag sa PNP chief nga ang isyu sa mga ninja cops wala magsugod sa panahon ni Pangulong Rodrigo Duterte kondili sa mi-agi pang mga administrasyon ug sa mi-aging nga PNP chiefs.
Mikusog lamang kini karon tungod kay sila ang naghinlo sa maong modus nga kaylap nang daan sukad pa kaniadtong gidumala ni Mayor Magalong ang CIDG.
Dugang pa ni General Albayalde, kwestyunable ang timing sa gihimo ni Magalong karong 36 ka mga adlaw na lang ang nahabilin og muretiro na siya sa hingpit sa iyang pagpanerbisyo.
Klaro matud pa nga personal ang motibo ni Magalong kaniya dihang gipadayag niini sa pagdungog nga dismayado kining siya ang gitudlo ni Pangulong Rodrigo Duterte isip PNP chief.
Gipadayag ni Albayalde nga dili siya ang angayang sukmatan ni Magalong sa maong posisyon kondili ang pangulo mismo.
Ang kwestyon ni General Albayalde, nganong karon lang nagmama sa iyang pagtambong sa Senate hearing si Magalong kalabot sa maong isyu taliwa nga dihang siya matud pa ang hepe kaniadto sa CIDG, duna siya’y dakong gahom aron kini imbestigahan og santaon.
Dugang pa ni General Albayalde, kwestyunable ang timing sa gihimo ni Magalong karong 36 ka mga adlaw na lang ang nahabilin og muretiro na siya sa hingpit sa iyang pagpanerbisyo.
Klaro matud pa nga personal ang motibo ni Magalong kaniya dihang gipadayag niini sa pagdungog nga dismayado kining siya ang gitudlo ni Pangulong Rodrigo Duterte isip PNP chief.
Gipadayag ni Albayalde nga dili siya ang angayang sukmatan ni Magalong sa maong posisyon kondili ang pangulo mismo.
