BUTUAN CITY – Patay ang bag-ong nahimugsong kaluha sa Gaza nga sila Asser ug Ayssel, dihang giparehistro sa ilang amahan nga si Mohammed Abu al-Qumsan.
Nasayrang upat pa lang ka adlaw ang mga biktima dihang na-igo ilang balay sa Dier al Balah, nga mikalas usab sa ilang inahan ug lola.
Nasuta nga mihikling ang pamilya gikan sa Gaza City base na usab sa direktiba sa Israel.
Gipadayag sa Israeli military nga ginalikayan nila nga duna’y madamay nga mga sibilyan dayong basol sa Hamas tungod sa pag-operate niini sa mga civilian areas.
Natigayon kini human ang susamang pag-atake sa usa ka eskwelahan nga gisak-an sa nadislokar nga mga Palestino, kansa nipatay ug 70 ka mga tawo.
Ang panagbangi nagsugod human ang Hamas nipatay sa 1,200 ka mga Israelis ug nang-hostage ug 251 niadtong Oktobre 7 resulta sa halapad nga Israeli military offensive.
Kapin sa 39,790 na ka mga Palestino ang namatay sa nagpadayong kagubot.
