BUTUAN CITY – Nadugangan na usab ang kaso sa Covid-19 sa rehiyon sa Caraga. Bag-ohay lang sa dihang gi-anunsiyo sa DOH Caraga nga nadawat nila 155 ka RT-PCR results gikan sa Southern Philippines Medical Center (SPMC), Northern Mindanao TB Reference Center (NMTBR) og Davao One World Diagnostic Center sub-national laboratories diin 143 ang negatibo og 12 ang positibo sa COVID-19 virus.
Ang negatibo nga resulta nagsumikad kini sa: 7 ka Suspect cases gikan sa Butuan Medical Center, Butuan Doctors Hospital, MJ Santos Hospital og Surigao del Sur Quarantine Facility; 12 usab ang Probable cases gikan sa Caraga Regional Hospital, Agusan del Norte Provincial Hospital og Agusan del Sur Quarantine Facility, ug 124 ang High risk individuals kansa nagpositibo sa Rapid Antibody-based Tests.
Sa 12 ka positibong kaso, 58% kon 7 ang Locally Stranded Individuals, usa ang Returning Overseas Filipino, duha ang makonsiderang local transmission, usa ang dunay close contact sa kanhe COVID-19 positive case, og laing usa ang residente sa Bayugan City kansa nagtrabaho sa dakbayan sa Butuan.
Sa mga nagpositibo, 9 ang babaye samtang 3 ang lalaki diin kadaghanan niini anaa sa edad nga 20-anyos ngadto sa 40-anyos. Ang bag-ong kaso nagsumikad sa Butuan City nga dunay 3; Bayugan City (1); Bislig City (1); Nasipit, Agusan del Norte (1); municipalidad sa Agusan del Sur pinaagi sa Esperanza nga dunay (2); Prosperidad (2); og Tago, Surigao del Sur (2).
Ang onse sa mga niini pulos asymptomatic nga naka-isolate na sa nagkadaiyang isolation facilities sa tibook rehiyon alang sa estriktong monitoring samtang usa ang nagpakita og mild signs and symptoms kansa na0admit na sa hospital facility.
Sa kasamtangan ang rehiyon sa Caraga duna nay katibuk-ang kaso sa COVID-19 nga 336 diin 193 niini kon 57% ang nakarekober na og 142 ang pabiling aktibong kaso.
Alayon niini, gipahayag ni DOH-Caraga Regional Director Jose R. Llacuna, Jr. nga padayon nilang gimonitor ang kahimtang sa kaso sa nagkadaiyang dapit ning rehiyon nga gibutang sa Modified General Community Quarantine (MGCQ) samtang ang makonsiderang critical barangays sa Butuan City gibutang sa Modified Enhanced Community Quarantine kon MECQ.
Sigon sa opisyal nga tinguha nilang makunhuran ang kaso sa local transmission sulod sa duha ka semana sa kritikal nga mga lugar og mapugngan ang COVID-19 cases sa LSIs og ROFs pinaagi sa estriktong pagsunod sa isolation og quarantine procedures. Makab-ot lang matud pa kini pinaagi sa paghiusa.
Gipanawagan niini ang tanan nga hugot nga obserbahon og isunod ang health protocols. Mogawas lang kung motrabaho o kaha gikinahanglan. Kanunay nga pagsoot sa facemasks og pag-obserba sa physical distancing.
Sa katapusan gi-awhag niini nga taho ngadto sa local health authorities ugaling makasinati og symtomas sama sa hilanat, ubo, pagpanugnaw, sakit sa tutunlan og diarrhea sa kapin duha na ka adlaw.
