BUTUAN CITY – Gipahugtan karun sa National Grid Corporation of the Philippines kon NGCP-District 2 Northeastern Mindanao Area ang Anti-Kite Campaign ning panahon sa bakasyon.
Sigon ni Kristoffer Abellanosa, tigpamaba sa National Grid Corporation of the Philippines -District 2 Northeastern Mindanao Area nga dapat bantayan sa mga ginikanana ang ilang mga anak ning panahon sa bakasyon nga dili magpalupad og tabanog dool sa linya sa transmission o kaha dool sa sub-station.
Pasabot pa sa opisyal nga peligroso ang tabanaog ugaling masangit kini sa linya sa kuryente nga dunay boltahe nga muabot sa 138-mil tungod kay mosubay ang kuryente sa nylon nga sagad gigamit sa pagpalupad sa tabanaog rasong makuryentihan ang naghawid niini.
Gawas pa sa mahatag niini nga power interruption tungod sa tripping nga hatud sa pagkasangit sa tabanog.
Pagbutyag pa sa opisyal nga kinahanglang malikayan kini tungod sa krises nga nasinatian karun sa nasud nga pwedeng mosamot ugaling mawala pa gayud ang linya sa kuryente tungod sa kahasol nga mahatag niini sa mga negosyante.
Dakong kalapasan usab ang pagpalupad sa tabanog dool sa linya sa kuryente sa balaod nga nakalatid sa Republic Act number 11361 o Anti-Obstruction to Powerline Act.
